عباس ڪوريجو

عباس ڪوريجو: ڪھاڻيڪار، محقق ۽ ناول نويس عباس ڪوريجي جو پورو نالو غلام عباس ولد حاڪم علي ڪوريجو آهي. سندس ‏جنم 16 سيپٽمبر 1983ع تي قنبر، ضلعي شھداد ڪوٽ جي ڳوٺ محمد بخش ڪوريجو ۾ ٿيو. سندس تعليم ايم. اي (معاشيات ) ۽ ايم. اي. ‏‏(سنڌي ادب) آهي. سندس ڇپيل ڪتابن ۾: ‘چنڊ پيرن هيٺ’ (ڪھاڻيون: 2005ع)، ‘پنھنجي ڌرتي’ (ڪھاڻيون: 2014ع)، ‘جديد ڪھاڻي: فن ۽ ‏موضوع’ (تحقيق: 2015ع ۽ 2020ع)، ‘ادب ۽ انتھا پسندي’ (مضمون: 2022ع) ۽ ‘وڻ’ (ناول: 2022ع) شامل آهن.‏ قنبر مان نڪرندڙ ماهوار رسالي ‘وائيس آف سنڌ’ جو ايڊيٽر پڻ رهيو آهي. هن وقت ماهوار رسالي ‘سڦلتا’ جي ايڊيٽوريل بورڊ ۽ سنڌي ادبي ‏سنگت شاخ قنبر جو ميمبر آهي. سندس ڪتاب ‘پنھنجي ڌرتي’ کي سنڌي ٻوليءَ جي بااختيار اداري 2014ع ۾ بھترين ڪھاڻي ڪتاب جو اوارڊ ‏ڏنو. کيس هن وقت تائين بھترين سيڪريٽري اوارڊ، شاخ جو بھترين عھديدار اوارڊ، قليچ چيئر سنڌ يونيورسٽي پاران ‘نوجوانن سان ملو’ اوارڊ ۽ ‏سنڌ يونيورسٽيءَ جي سنڌي شعبي جي اسٽڊي سرڪل پاران ‘پھرين پوزيشن’ اوارڊ ملي چڪا آهن.‏ 2016ع کان دُبئي ۾ رهائش پذير آهي ۽ ‘انڊس ايڊورٽائزنگ’ جي نالي سان ذاتي ڪاروبار ڪري رهيو آهي. هن دبئيءَ ۾ رهندڙ سنڌين لاءِ ‏ادبي ۽ ثقافتي سرگرميون ڪرائيندڙ هڪ ادارو ‘سمبارا ايوينٽس’ پڻ جوڙيو، جنھن جي پليٽفارم تان سال 2023ع ۾ ‘سنڌي اباڻي ٻولي’ نالي هڪ ‏وڏو ميڙاڪو ڪرايو ويو. ‏

داخلا ۾ استعمال ٿيل تاريخون

1983.09.16  عيسوي

نوجوان ڪهاڻيڪار، شاعر ۽ محقق عباس ڪوريجي جو پورو نالو غلام عباس ولد حاڪم علي ڪوريجو آهي. سندس جنم 16 سيپٽمبر 1983ع تي قنبر، ضلعي قنبر شهدادڪوٽ جي ڳوٺ ڪوريجا ۾ ٿيو.

شخصيتون - ڀاڱي جون ٻِيون داخلائون